Четириесет и осумгодишна жена се здобила со тешки телесни повреди откако била прегазена од автомобил „фиат“ на крстосница во скопската населба Ѓорче Петров, а возачот по несреќата избегал од местото на настанот.
Според информациите од Министерството за внатрешни работи, несреќата се случила на 5 август околу 21:20 часот на крстосницата меѓу улиците „Борис Сарафов“ и „Крсто Раковски“.
Автомобилот удрил во 48-годишната А.С.К. од Скопје, по што возачот го напуштил местото без да ѝ укаже помош.
Повредената жена била пренесена во Градската општа болница „Св. Наум Охридски“, каде што ѝ биле констатирани тешки телесни повреди.
Увид на местото извршила екипа на СВР Скопје, а полицијата презема мерки за пронаоѓање на возачот и целосно расчистување на околностите под кои се случила сообраќајната несреќа.
МОЖЕБИ ЌЕ ВЕ ИНТЕРЕСИРА:
