Украинскиот претседател Володимир Зеленски и се обратил на нацијата по бомбардирањето на Харков, опишувајќи го чинот како воено злосторство.
Девет лица, вклучително и три деца, беа убиени во понеделникот откако руските касетни бомби гаѓаа на станбени згради во Харков, вториот по големина град во Украина со речиси два милиони луѓе.
Утрово беше погоден и центарот на овој град, односно Плоштадот Слобода, а во таа прилика беа повредени неколку лица и уништена е зградата на Владата.
Коментирајќи пред последниот напад во центарот на Харков, Володимир Зеленски рекол дека има изјави на очевидци дека цивили биле намерно цел на напад.
„Руските сили брутално пукаа врз Харков од млазна артилерија“, рекол Зеленски за време на доцна ноќното обраќање до украинскиот народ.
„Очигледно е дека станува збор за воено злосторство. Мирен град. Мирни станбени населби. Без воени објекти. Десетици записи од сведоци докажуваат дека не станува збор за еден единствен рафал, туку за намерно уништување на луѓето. Русите знаеа каде пукаат. Ова дефинитивно ќе заврши на меѓународен суд, сите конвенции се прекршени. Никој нема да ви го прости убивањето на мирниот украински народ“, рекол тој.
Главниот обвинител на Меѓународниот кривичен суд, Карим Кан, отворил истрага за руската инвазија откако рекол дека верува дека има „разумна основа“ да се верува дека во Украина се извршени воени злосторства или злосторства против човештвото.
Фото: Принтскрин/ Instagram
МОЖЕБИ ЌЕ ВЕ ИНТЕРЕСИРА:
