Затворски казни во траење од по четири години изречени се денеска на креаторот и на администраторот на групата „Јавна соба“ на која се споделуваа порнографски материјали од деца и жени од Македонија. Затворска казна му е изречена на обвинетиот Дарко К., креатор на групата, како и на администраторот Михаил П. кои беа обвинети за производство и дистрибуција на детска порнографија преку ова група која функционриаше на социјална мрежа „Телеграм“.
–Обвинетите се огласуваат за виновни бидејќи првообвинетиот ја основал групата Јавна соба на Телеграм, а второобвинетиот како модератор иако морале да внимаваат што се прикачува во групата, дозволиле да се направи достапно видео со порнографски елементи со дете, рече судијката Билјана Коцевска
Двајцата обвинети се товареа за кривично дело – Производство и дистрибуција на детска порнографија, предвидено во член 193-а став 3 во врска со став 1 од Кривичниот законик.
-Во периодот од 19.12.2019 година до 28.01.2020 година, двајцата обвинети, како основач и модератор на групата „Јавна соба“ на социјалната мрежа Телеграм, биле должни да се грижат за содржината на текстуалните и аудио-визуелните содржини кои се споделуваат од членовите на групата. Но, тие со умисла дозволиле на групата да се направи достапна содржина – аудио-визуелен материјал на кој се прикажани очигледни полови дејствија со дете, беше наведено во обвинението од ОЈО.
МОЖЕБИ ЌЕ ВЕ ИНТЕРЕСИРА:
