На социјалните мрежи се шири видео кое наводно го прикажува моментот кога двајца украински експерти за отстранување експлозиви деактивирале руска бомба со голи раце и шише вода.
Клипот од 31. секунда, прегледан повеќе од 1,4 милиони пати, е насловен „Процес на деактивирање на бомбата“ и прикажува двајца мажи како клекнуваат покрај бомба и се обидуваат да ја деактивираат со раце и шише вода.
Чарлс Листер, висок соработник и директор на програмата за Сирија и борбата против тероризмот и екстремизмот во Институтот за Блискиот Исток, го споделил видеото во кое го опишува моментот како чин на „зачудувачка храброст“.
„Оваа руска бомба ќе ја срамнеше зградата, а сепак овие украински експерти ја деактивираат со две раце и шише вода додека во близина се слушаат како паѓаат гранати“, напишал Листер.
Фото: Принтскрин/Twitter
