Шкендија, по сè изгледа, стигна до рутинска победа од 1:3 на гостувањето кај Башкими во последното есенско коло од Првата македонска фудбалска лига.
Тетовските „црвено-црни“ поведоа уште во 4. минута, по нафрлање од левата страна и автоголот на Алими.
Сепак, домашниот состав успеа да израмни по само три минути игра, со голот на Алексовски.
Одлични интервенции неколку пати имаше голманот на Башкими, Јашар, кој го држеше својот тим во игра сè до 34. минута, кога Тамба повторно погоди за ново водство на Шкендија од 1:2.
Во вториот дел Шкендија беше уште подоминантна на тежок терен поради врнежливото време. Таа надмоќ резултираше со трет погодок во 74. минута.
По асистенција на расположениот Љатифи, Адеми стрелаше за конечни 1:3 во корист на гостите.
МОЖЕБИ ЌЕ ВЕ ИНТЕРЕСИРА:
