Според информациите добиени до 12 часот од регионалните центри, состојбата со врнежите низ државата е стабилна и без значајни последици.
Скопскиот, Полошкиот, Штипскиот, Охридскиот, Вардарскиот и Кумановскиот регион немаат нарушувања на редовната состојба. Во Битолскиот регион е забележано покачување на водостојот на реката Драгор, но без опасност од излевање. Струмичкиот регион е без врнежи, а во Кратово се регистрирани слаби и повремени врнежи, информираат од Центарот за управување со кризи.
Од таму посочуваат дека сообраќајот на граничниот премин Богородица/Евзони ќе биде блокиран во интервали поради штрајкот на грчките земјоделци, во периодите од 10 до 14 часот и од 18 до 22 часот.
Управата за хидрометеоролошки работи за попладне најавува стабилизирање на времето и намалување на облачноста. Температурите ќе се движат од 9 до 13 степени, а во Скопје до 12 степени.
МОЖЕБИ ЌЕ ВЕ ИНТЕРЕСИРА:
