Во првата сабота на постот, со коливо го славиме преславното чудо на светиот великомаченик Теодор Тирон. Чудото се случило кога Јулијан Отстапник, по Констанциј, син на Константин Велики, се обидел да го врати царството од христијанството кон идолопоклонството. Тој не сакал директно да мачи христијани, туку наредил на пазарите да се продава храна попрскана со крв од идолски жртви, со цел оние што ќе купат да се осквернат.
Но, Бог ја попречил неговата измама. Светителот Теодор Тирон се јавил пред архиерејот Евдоксиј и му заповедал да го сочува христовото стадо: да не купуваат ништо од осквернетата храна, а недостигот да го надополнат со коливо – варена пченица. Евдоксиј го послушал маченикот и ја зачувал храната чиста за народот. Кога Јулијан ја видел откриената измама, се посрами и наредил да се врати обичната храна.
Од тогаш, христијаните, како благодарност кон Бог и светиот Теодор, секоја прва сабота на постот го слават ова чудо со коливо, продолжувајќи ја традицијата и споменот на великомаченикот.
МОЖЕБИ ЌЕ ВЕ ИНТЕРЕСИРА:
