Портпаролката на руското Министерство за надворешни работи, Марија Захарова, остро го осуди нападот со беспилотно летало врз автобус во руската Брјанска област, оценувајќи го како терористички чин.
Според информациите од руските власти, автобусот превезувал детски фудбалски тим од Белорусија кој патувал кон Краснодарскиот регион на одмор. Во возилото се наоѓале 44 патници, од кои 28 биле деца.
Во нападот загинала жена која го придружувала тимот, додека седум лица се повредени, меѓу кои и пет деца.
По инцидентот, Истражниот комитет на Русија отвори кривична постапка за терористички акт и започна истрага за сите околности поврзани со случајот.
Захарова изјави дека руските власти се во постојан контакт со Белорусија и се подготвени да обезбедат сета неопходна помош. Таа ги повика меѓународните организации и странските влади јавно да го осудат нападот.
„Русија најостро го осудува ова злосторство и смета дека намерното загрозување на деца претставува особено тежок чин“, изјави Захарова.
Руските власти тврдат дека нападот бил извршен од украински сили, додека истрагата продолжува. Засега нема официјален одговор од украинска страна на овие обвинувања.
МОЖЕБИ ЌЕ ВЕ ИНТЕРЕСИРА:
