Во Македонија и на Балканот, една од причините зошто сиромаштијата се одржува да биде толку висока е поради тоа што политичарите намерно го прават тоа за пред избори да ги купат тие гласови. Ја знаете народната „Празен стомак, лесно се купува, вели Бранимир Јовановиќ за ТВ24.
Додава дека затоа со години сиромаштијата се држи на 20%.
Не можете да објасните како ние 30 години од нашето осамостојување, сиромаштијата е над 20%. Зошто и како не се намали? Да пробаа ќе се намалеше. Ова е свесно и намерно, ги држат луѓето сиромашни за пред избори да им кажат гласајте за нас, ние ќе ви дадеме ова, ние ќе ви го дадеме она, истакна тој.
Потенцираше дека проблемот се политичарите и системот кои свесно го држат народот во сиромаштија и тоа треба да биде критика.
Оваа и претходните влади ги критикувам затоа што не направија ништо за да го решат проблемот со сиромаштијата. Устите секогаш им беа полни, ние сме за работниците, за сиромашните, зголемување на плати, а во суштина многу малку направија, а за сиромаштијата скоро ништо. И оваа и сите претходно се виновни за ова. На економски план нема разлика помеѓу оваа и претходната влада. Има подорбување во други области, но сиромаштијата се уште не е решена.“ – вели за „Студио 10“ Бранимир Јовановиќ.
МОЖЕБИ ЌЕ ВЕ ИНТЕРЕСИРА:
