Владата ја усвои информацијата за формирање Центар за итна медицинска помош во Скопје, на предлог на Министерството за здравство.
Со оваа реформа се предвидува подобрување на системот за итна медицинска помош, скратување на времето на интервенција и зголемување на ефикасноста при спасување животи.
Во првата фаза од процесот, Итната медицинска помош – Скопје ќе биде издвоена и ќе функционира како самостојна институција.
Министерот за здравство Азир Алиу истакна дека новиот модел ќе овозможи поефикасно управување со ресурсите, подобра организација и побрзо носење на одлуки во итните случаи.
Од Министерството за здравство посочуваат дека концептот е базиран на позитивни искуства од земјите во регионот и треба да помогне во надминување на долгогодишните кадровски и организациски предизвици во системот на итната медицинска помош.
МОЖЕБИ ЌЕ ВЕ ИНТЕРЕСИРА:
