Пожар попладнево избувна во парк-шумата „Гази Баба“, на потегот меѓу скопските населби Железара и Автокоманда.
Жители од околните населби на социјалните мрежи споделија фотографии и видеа на кои се гледа густ чад што се издига од шумскиот предел.
На терен веднаш се упатија екипи на Бригадата за противпожарна заштита на Град Скопје, кои работат на локализирање и гаснење на огнената стихија.
Во моментов не се познати причините за избувнувањето на пожарот, ниту има информации дали се загрозени жители или објекти во близина.
Повеќе информации за причините и за размерите на пожарот се очекуваат по завршувањето на интервенцијата на надлежните служби.
МОЖЕБИ ЌЕ ВЕ ИНТЕРЕСИРА:
