Оваа влада на ДУИ/СДСМ има голем мерак на хеликоптери. Патем и голем мерак на корупција. И, кога тие ќе се спојат тдоаѓаме до две јавни набавки за хеликоптери кои завршуваат како крупни коруптивни скандали со, очекувана, судска завршница.
На 30.10. 2019-та владата, преку премиерот Зоран Заев, објави дека низ “јавно-приватно партнерство“ ќе обезбеди два хеликоптери за цивилни потреби, пренос на повредени, при земјотреси, поплави… и слично.
Како што објасни премиерот Заев, владата одлучила да склучи договор со фирмата Сархемс ДООЕЛ Скопје, која била избрана на јавен повик, имало пет инетересенти на повикот но, само таа конкурирала, а соработува со скандинавски комапании.
„Тоа се приватни компании кои своите услуги ги наплаќаат преку осигурителни компании, а по 8 години хелокоптерите остануваат во државата. Фирмата за услугите ќе наплаќа на државата, а истовремено ќе треба да плаќа одредена сума во државниот буџет како надомест за јавно-приватното партнерство што ќе достигне околу 10.000 евра годишно“, рече Заев. Хеликоптерите, според него, ќе бидат целосно опремени и на располагање за шест месеци по потпишување на договорот.
Секој денар, секое евро, трошење јавни пари од страна на Заев, и севкупно на владата на ДУИ/СДСМ овие седум години – е сомнително. Новинарите со малку труд и напор утврдија очигледна манипулација и намера за нова корупција на Заев.
Според податоците од Централен регистар фирмата е основана во август, месец дена пред најавениот бизнис на Заев и владата, со 5000 евра влог со дејност за “патнички воздухопловен транспорт“. Искуството кое го спомнува Заев не постои.
Трошокот на владата од само 10.000 евра годишно за оваа цел, како што најави Заев, набргу се качи на 72 милиони евра за цело времетрање на договрот, или 9 милиони евра годишно.
“Сархемс има обврска да инвестира по 9 милиони евра годишно во својот бизнис во Македонија со хеликоптерскиот медицински тим за спасување“, изјави Драги Рашковски, владиниот генерален секретар.
Притоа, демантира дека државата ќе ги троши овие пари и дека вкупната сума за осум години би била 72 милиони евра државни пари.
Хеликоптерите, според Заев и Владата, бесплатно ќе пренесувале македонски граѓани за медицински потреби, но за странците тоа ќе се наплаќало од нивното осигурување и така фирмата “партнер“ на владата ќе ги повратела почетно вложените 9 милиони евра.
Од Центарот за управување со кризи велат дека од нивното досегашно искуство, во просек до 5 или 6 пати се јавува потреба од спасувачки мисии за странски државјани, пред се во зимскиот период, најчесто поради незгоди при планинарење.
Ако се земат предвид дека трошоците за странците во такви случаи чинеле од 2 до 4 илјади евра, излегува оти инвеститорот би можел да наплати од 12 до 24 илјади евра годишно. Прашање е како инвеститорот воопшто ќе заработува. А одговорот дојде брзо.
МОЖЕБИ ЌЕ ВЕ ИНТЕРЕСИРА:
