Поради дефект на дистрибутивната мрежа, во повеќе скопски општини во моментов е прекината испораката на топлинска енергија. Од ЕСМ Снабдување информираат дека без парно се дел од потрошувачите во Центар, Аеродром, Ново Лисиче, Кисела Вода и Автокоманда.
Екипите на ЕСМ Дистрибуција на топлина се на терен и работат на прецизно лоцирање и изолирање на дефектот, по што ќе следи постепено нормализирање на испораката на топлинска енергија.
Од компанијата додаваат дека јавноста ќе биде дополнително информирана за развојот на состојбата, а граѓаните можат да добијат повеќе информации преку Центарот за грижа за потрошувачи на телефонските броеви (02) 3076 200 и 075 400 100.












