Соединетите Американски Држави, како трет домаќин на Светското првенство 2026, го завршија настапот во осминафиналето, откако во Сиетл беа убедливо поразени од Белгија со 4:1.
Натпреварот привлече големо внимание уште пред почетокот, откако ФИФА му дозволи настап на американскиот напаѓач Фоларин Балогун и покрај претходно добиениот црвен картон. Сепак, неговото присуство на теренот не беше доволно за САД да избегнат елиминација.
Белгија поведе уште во 9. минута преку Шарл Де Кетеларе. Американците израмнија во 31. минута со погодокот на Малик Тилман, но радоста траеше кратко, бидејќи само две минути подоцна Де Кетеларе повторно ја затресе мрежата за водство од 2:1, резултат со кој се замина на полувреме.
Во вториот дел Белгијците целосно ја потврдија својата надмоќ. Ханс Ванакен во 57. минута зголеми на 3:1, а Ромелу Лукаку во судиското надополнување ги постави конечните 4:1.
Со оваа победа Белгија обезбеди место во четвртфиналето, додека Соединетите Американски Држави го завршија настапот на домашниот Мундијал.
МОЖЕБИ ЌЕ ВЕ ИНТЕРЕСИРА:
