Денеска времето ќе биде претежно сончево со мала до умерена облачност, а во попладневните часови на повеќе места ќе има услови за развој на нестабилна облачност проследена со пороен дожд, грмежи и засилен ветер. Локално е можна и изолирана појава на град.
Ќе дува слаб до умерен ветер, кој во западните делови ќе биде од западен правец, додека долж Повардарието ќе преовладува југоисточен ветер.
Утринските температури ќе се движат од 9 до 16 степени, додека дневните ќе достигнат од 25 до 32 степени.
Во Скопје ќе преовладува сончево време со мала до умерена облачност. Во попладневните часови во одделни делови од котлината се очекува појава на краткотраен пороен дожд и грмежи. Ќе дува слаб до умерен ветер од југоисточен правец, а температурата ќе се движи од минимални 13 до максимални 30 степени.
Според прогнозите, во следните денови времето ќе остане променливо облачно со сончеви периоди. Попладне повторно ќе има услови за локален развој на нестабилна облачност со пороен дожд, грмежи и засилен ветер.
Под влијание на циклонска активност, во четврток се очекуваат поинтензивни временски процеси, проследени со пообилен пороен дожд, на места над 20 литри на квадратен метар, грмежи, силен ветер и услови за изолирана појава на град.
МОЖЕБИ ЌЕ ВЕ ИНТЕРЕСИРА:
