Со „Ауди“ преминал во спротивната лента и удрил во „Фиат“ – едно лице загина, три се повредени: Страотна несреќа го потресе регионот

Во страшна сообраќајна несреќа што се случи утрово на главниот пат Ужице-Севојно, едно лице загина, а тројца се повредени.

Возачот на „Аудито“, Ж. М. (23), кој утрово предизвика ужасна сообраќајна несреќа во близина на Ужице, како што се сомнева, преминал во спротивната лента на кривина и удрил во „Фиат Стило“ во која едно лице загинало, е уапсен, дознава Курир.

Осомничениот, Ж. М., кој се здобил со повреди во несреќата откако му била укажана медицинска помош, е уапсен за тешко кривично дело против безбедноста на јавниот сообраќај и недавање помош – пренесуваат медиумите во регионот.

Истрагата траеше неколку часа, а сообраќајот на тој дел од автопатот беше во прекин. Дежурниот обвинител нареди телото да биде испратено на обдукција, како и возилата вклучени во несреќата да бидат испратени на вонреден технички преглед.

Истрагата за ужасната несреќа е во тек.