Седумнаесетгодишен мотоциклист се здобил со тешки телесни повреди во сообраќајна несреќа што се случила во Битола.
Според информациите од полицијата, несреќата била пријавена на 28 февруари 2026 година во 14:42 часот на крстосницата меѓу улиците „Македонски Гемиџии“ и „Индустриска“. Во судирот учествувале товарно возило „мерцедес“, управувано од 42-годишен битолчанец, и мотоцикл со битолски регистарски ознаки, кој го управувал 17-годишник од Битола.
По ударот, мотоциклистот се здобил со тешки телесни повреди, кои биле констатирани во Клиничката болница во Битола.
Увид на местото на несреќата извршила екипа на СВР Битола, а се работи на утврдување на причините и околностите под кои се случила сообраќајката.
МОЖЕБИ ЌЕ ВЕ ИНТЕРЕСИРА:
