Американскиот претседател Доналд Трамп упати остра порака до Данска, повикувајќи ја веднаш да се повлече од Гренланд, остров со значајна стратешка улога на Арктикот.
„НАТО, кажете ѝ на Данска веднаш да се губи оттаму! Две кучешки запреги не се доволни! Само САД можат!!!“, напиша Трамп на својата социјална мрежа „Трут Соушл“.
Во објавата, Трамп се повика и на предупредувања од Данската одбранбена разузнавачка служба (DDIS), која минатата година алармирала за засилени руски и кинески воени амбиции поврзани со Гренланд и поширокиот арктички регион.
Американскиот претседател сподели и текст од порталот „JustTheNews“, во кој се наведува дека, и покрај јавното минимизирање на заканите од страна на данските политички лидери, DDIS во своите анализи отворено предупредува на зголемени воени цели на Русија и Кина во Арктикот.
Острата изјава на Трамп беше објавена само неколку часа пред најавениот состанок во Белата куќа меѓу американскиот државен секретар Марко Рубио, потпретседателот на САД Џеј Ди Венс и министрите за надворешни работи на Данска и Гренланд, на кој треба да се разговара за иднината на островот.
Гренланд е автономна територија во состав на Данска, но во последните месеци се најде во фокусот на американската администрација поради својата геостратешка позиција и значењето за безбедноста на САД и контролата на Арктикот.
МОЖЕБИ ЌЕ ВЕ ИНТЕРЕСИРА:
