Вардар го одигра првиот интерен контролен натпревар во подготвителниот камп во Норчија, а дуелот заврши со победа на „црвено-црните“ од 2-1.
Стручниот штаб ги подели фудбалерите во две екипи и им даде можност на сите играчи да добијат минутажа. За победничкиот состав од почетокот настапија Диковски, Пуељо, Матиќ, Мишковски, Дурански, Босанчиќ, Николов, Спахиу, Данев, Торес и Омерагиќ, додека за противничката екипа стартуваа Талески, Јанкулов, Најдовски, Велковски, Маневски, Тодоровски, Бабунски, Пиреш, Закариќ, Јаков и Жерсон Родригеш.
Натпреварот се играше во две полувремиња од по 45 минути и донесе три погодоци. Победничкиот тим до триумфот стигна со головите на Едиз Спахиу и Мануел Куестас, кој се приклучи во текот на средбата, додека единствениот погодок за „белите“ беше дело на Горан Закариќ.
Интересен момент од дуелот беше исклучувањето на новото засилување Жерсон Родригеш, кој заработи црвен картон.
Правдата на контролниот натпревар ја делеше Даријан Илчевски, судија во Италијанската фудбалска федерација, кој потекнува од Гостивар.
До крајот на подготовките во Норчија, закажани до 2 јули, Вардар ќе одигра уште четири пријателски натпревари како дел од подготовките за новата сезона и настапот во квалификациите за Лигата на шампионите против финскиот шампион.
МОЖЕБИ ЌЕ ВЕ ИНТЕРЕСИРА:
