На свеченото отворање на Australian Open во Мелбурн, тенискиот свет беше сведок на емотивна сцена која веднаш го обиколи светот. Легендарните ривали Новак Ѓоковиќ и Роџер Федерер повторно се сретнаа – момент кој целосно ја одбележа вечерта.
Федерер пристигна во Мелбурн како пензиониран тенисер, за првпат по пет години, со цел да учествува на церемонијата на отворањето на турнирот. За време на егзибицискиот настап, кога го забележа Ѓоковиќ во првите редови на трибините на Rod Laver Arena, Швајцарецот без двоумење го прекина мечот и се упати кон него.
Следеше срдечен поздрав и топла прегратка меѓу двајцата великани, кои заедно имаат освоено дури 44 гренд-слем титули. Публиката ја поздрави сцената со долги овации, додека камерите го забележаа моментот што брзо стана вирален.
Иако на централниот терен беа присутни бројни легенди на белиот спорт, средбата меѓу Новак и Роџер несомнено ги засени сите други настани од вечерта.
Roger Federer x Novak Djokovic 🤩🐐🐐pic.twitter.com/IHc56ffIo6
— Univers Tennis 🎾 (@UniversTennis) January 17, 2026
МОЖЕБИ ЌЕ ВЕ ИНТЕРЕСИРА:
