Кина целосно го затвори градот Јужоу со повеќе од милион жители кога на 19 декември беа откриени три нови случаи на Ковид-19.
Општинските власти во Јужоу во провинцијата Хенан објавија дека сите 1,2 милион жители ќе бидат затворени во своите домови откога во неделата беа пријавени само два асимптоматски случаја, а третата локално пренесена асимптоматска инфекција беше откриена вчера, пренесува Си-ен-ен.
Работата е забранета за сите, освен продавниците за храна, аптеките и енергетските компании, а на работниците им е дозволено да одат на работа откога ќе покажат негативен тест на Ковид-19, соопшти владата.
Кина пријави 108 нови локални случаи во три провинции во понеделникот вклучувајќи 95 во северозападната провинција Шанкси, осум во југоисточниот Жеџијанг и пет во Хенан, се вели во соопштението на Националната здравствена комисија (НХЦ).
Во Кина исто така е потврден 21 нов локален асимптоматски случај, вклучително 19 во Хенан и два во Шангај, соопшти НХЦ.
