Јавното претпријатие „Водовод и канализација“ – Скопје информира дека поради уличен дефект, од 05:25 часот утринава е прекинато водоснабдувањето за корисниците од улиците „Црниче“, „Банско“ и „Караџица“ во општина Кисела Вода.
Од претпријатието посочуваат дека екипите се на терен и работат на отстранување на дефектот со цел што побрзо нормализирање на снабдувањето со вода.
Според информациите, жителите од погодените улици ќе останат без вода сè до завршување на работните активности и целосното санирање на проблемот.
Надлежните апелираат до граѓаните да покажат разбирање додека трае интервенцијата, а за сите дополнителни информации да ги следат известувањата од „Водовод и канализација“ – Скопје.
МОЖЕБИ ЌЕ ВЕ ИНТЕРЕСИРА:
