Кога сакате некого, тогаш сте подготвени на сè за да го направите среќен. И тоа е добро, но не по секоја цена
По дефиниција, емоционалната зависност е форма на незрела емоционална приврзаност што се рефлектира во прекумерното потпирање на друга личност. Овие други луѓе се доживуваат како единствен извор на сигурност, љубов, благосостојба, среќа.
Ако таквите врски се прекинат поради заминување или отфрлање, тогаш емоционално зависната личност чувствува интензивен страв, страдање, несигурност, безнадежност.
Кога сакате некого, тогаш сте подготвени на сè за да го направите среќен. И тоа е добро, но не по секоја цена. Не е невообичаено човек да претера и да стане емоционално зависен во желбата да му угоди на партнерот.
Еве два знака дека вашата среќа зависи од вашиот партнер:
- Ги занемарувате своите чувства
Имате потреба да го имитирате расположението на партнерот и да ги потиснувате емоциите. Можеби едвај чекате да дојдете дома и да му кажете дека сте добиле унапредување на работа, а потоа ќе го најдете нервозен. Во тој момент вашата среќа повеќе не е важна и целото внимание е насочено кон него.
Треба да бидете свесни дека тоа нема да можете вечно да го правите и дека во одреден момент ќе „пукнете“, а тоа нема да биде добро ниту за вас ниту за вашата врска. Затоа, најдобро е да разговарате со партнерот, како за своите, така и за неговите емоции.
- Побарајте од него да ги носи одлуките наместо вас
Се обидувате да најдете начин партнерот да види колку го почитувате и сакате. Во ред е да разговарате со партнерот за плановите што ги имате, но тоа не значи дека некој треба да носи одлуки наместо вас.
Можеби го правите ова затоа што не сакате да го повредите со фактот дека сте независни и самодоволни, но не заборавајте дека личноста која е ваша сродна душа ќе ве сака за она што сте.
МОЖЕБИ ЌЕ ВЕ ИНТЕРЕСИРА:
