Пет лица го загубија животот во две одделни лавини што во саботата се случија во Австрија, потврди портпаролка на планинската спасувачка служба од покраината Салцбург.
Во попладневните часови, лавина затрупала седум лица на врвот Финстеркопф, на надморска височина од 2.150 метри, во долината Гросарл. Според спасувачките служби, четворица членови на иста скијачка група биле извлечени без знаци на живот, додека останатите три лица се здобиле со тешки повреди и биле итно пренесени на лекување.
Неколку часа претходно, уште една лавина однела човечки живот во областа Бад Хофгастајн, каде што загинала една жена.
Планинските спасувачки служби предупредуваат дека поради нестабилните снежни услови постои зголемен ризик од нови лавини. До скијачите, планинарите и љубителите на зимските спортови е упатен апел строго да ги почитуваат безбедносните препораки, лавинските прогнози и временските предупредувања.
МОЖЕБИ ЌЕ ВЕ ИНТЕРЕСИРА:
