Алексеј Навални почина од „синдром на ненадејна смрт“ откако колабираше во петокот, наводно ѝ рекле руските истражители на мајката на опозицискиот лидер кога таа пристигнала во бруталната затворска колонија ИК-3 Поларниот Волк.
Људмила Навалнаја денеска беше видена како патува во колонија во северна Русија, каде и беше кажано дека нејзиниот син починал откако се вратила од прошетка во петокот во 14.17 часот по локално време. Сојузниците на Навални велат дека им била оневозможена можноста да го видат телото, кое ќе остане кај властите додека не заврши истрагата, пишува Дејли мејл.
На адвокатот на Навални, кој пристигнал во градот Салехард со мајката на Навални, од затворот наводно му било кажано дека телото е во мртовечница. Контактот во мртовечницата подоцна негираше дека телото е таму, што покрена уште повеќе прашања за шокантната смрт на руската опозициска личност.
„Очигледно е дека убијците сакаат да ги прикријат трагите и затоа не го предаваат телото на Алексеј, туку го кријат дури и од неговата мајка“, се вели во објавата на неговиот тим на Телеграм.
Шокантната смрт на најверниот критичар на Путин предизвика бран протести низ Русија, што доведе до апсење на десетици луѓе од страна на руската полиција.