Градоначалникот на Гостивар и актуелен лидер на Алијанса за Албанците кој пред некој ден ја најави својата кандидатура за претседател, но и ја официјализираше соработката со опозицијата во албанскиот блок, смета дека ДУИ ќе биде поразена и тоа особено во ИЕ 6 на парламентарните избори.
Опозициската коалиција ќе ја порази Демократската унија за интеграција (ДУИ) на изборите со минимум два до три пратеници, рече тој за Плус на ТВ21.
Според него, последните анкети покажуваат предност во бројот на гласовите и очекуваат ДУИ да замине во опозиција.
-Јас мислам дека ВРЕДИ ќе има неколку пратеници повеќе од ДУИ. Не кажувам бројки. Само во ИЕ6 ќе има голема разлика, рече тој.
На прашањето за разликата потенцираше дека ќе е има минимум 2-3 пратеници повеќе…разлика во однос на ДУИ.
Таравари ги откри и понудите што ги добил од ДУИ но и од албанската опозиција.
-Им ставив до знаење дека опцијата за да се оди со ДУИ отпадна. Имаше понуди нормално бидејќи преговаравме.
За понудите вели: „ Слушнете, во раководството кажав. И опозицијата и ДУИ, понудата беше 60-40. Да, проценти за изборните листи.“
Таравари соопшти дека Зијадин Села му побарал да не прифаќа соработка со Движење Беса, но неговиот одговор бил дека нема друго решение бидејќи сами не можат да ја поразат ДУИ. Според Таравари, за ДУИ најдобро би било да премине во опозиција бидејќи, како што вели, треба да се прочистат и да излезат со нови ликови на изборите во 2028.
МОЖЕБИ ЌЕ ВЕ ИНТЕРЕСИРА:
