Американското Министерство за правда отвори кривична истрага за инцидентот со Боинг 737 МАКС на летот на Алјаска ерлајнс во јануари, објави денеска Wall Street Journal, повикувајќи се на документи и луѓе запознаени со случајот.
Инспекторите стапиле во контакт со некои патници и членови на екипажот на летот на 5 јануари, кој принудно слетал во Портланд, Орегон, откако парче од трупот на авионот паднало за време на лет, објави WSJ.
Истрагата ќе му помогне на Министерството за правда да потврди дали Боинг го почитувал претходното решение во федералната истрага за две фатални несреќи на 737 Max во 2018 и 2019 година, објави Журнал.
„Во случај како овој, нормално е Министерството за правда да спроведе истрага“, изјави портпаролот на „Алјаска ерлајнс“. „Ние целосно соработуваме и не веруваме дека сме цел на истрагата.
Боинг и Министерството не одговорија веднаш на барањето на Ројтерс за коментар.
Вратата за итен излез на авионот паднала од патничката кабина набргу по полетувањето од аеродромот во Портланд, Орегон, на 5 јануари. Тој принудно слета на аеродромот во Портланд, а сите патници, наводно, избегале без сериозни повреди.
Американската федерална управа за авијација (FAA) последователно нареди привремено приземјување на 171 авион со тесно тело MAX 9 со слична конфигурација.
Во последниот инцидент, Боинг 777 принудно слета во Лос Анџелес во четвртокот, откако гума на едно од тркалата му паднала за време на полетувањето.
Авион на Јунајтед ерлајнс полетал од Лос Анџелес во Јапонија со 249 луѓе, но веднаш се вратил на аеродромот.
Паднатата гума заврши на паркингот на аеродромот, при што беа оштетени неколку автомобили, но нема жртви, објавија локалните медиуми KRON4
МОЖЕБИ ЌЕ ВЕ ИНТЕРЕСИРА:
