Македонската фудбалска репрезентација во четврток (13 ноември) ќе го одигра последниот домашен натпревар оваа година, а ФФМ реши тој да биде вистински празник на фудбалот – влезот на Националната арена „Тодор Проески“ ќе биде бесплатен за сите навивачи.
Натпреварот против Летонија ќе се игра во 18:00 часот и ќе послужи како проверка пред клучниот квалификациски дуел со Велс во Кардиф.
„Ова е наш начин да им се заблагодариме на навивачите за поддршката во текот на годината“, соопштија од ФФМ, додавајќи дека сите кои веќе купиле билет ќе добијат бесплатен за следниот домашен меч на репрезентацијата.
ФФМ ги повикува сите љубители на фудбалот да ја исполнат арената и да создадат незаборавна атмосфера:
„Да ја испратиме годината со песна, боја и поддршка за момците кои со гордост го носат државниот грб.“
МОЖЕБИ ЌЕ ВЕ ИНТЕРЕСИРА:
