Во пресрет на стартот на новата сезона во домашниот фудбалски шампионат, Комисијата за безбедност при Фудбалската федерација на Македонија одржа работна средба со комесарите за безбедност на клубовите кои се дел од Првата македонска фудбалска лига.
На состанокот беше разгледан извештајот за безбедносната состојба на натпреварите одиграни во вториот дел од сезоната 2025/2026, по што клубските претставници беа запознаени со активностите и обврските што произлегуваат од правилниците на УЕФА и ФФМ за сигурност и безбедност.
Посебен акцент беше ставен на примената на Законот за спречување на насилство и недостојно однесување на спортски натпревари, како и на одредбите од Законот за спорт.
На средбата беа презентирани и мерките за заштита на интегритетот на фудбалските натпревари, како и активностите насочени кон спречување и борба против обидите за местење на натпревари.
Од ФФМ посочуваат дека координацијата со клубовите и навремената подготовка на безбедносните структури се клучни за успешна и безбедна сезона.
МОЖЕБИ ЌЕ ВЕ ИНТЕРЕСИРА:
