Полагањето матура и возички испит се едни од главните воведувања на младите во светот на возрасните. Но, ова второто за некои почна се повеќе да станува далечно. Многу е скапо! Особено сега откако се обзнани дека Авто-школите ја зголемија цената на обуките за дури 35% односно за 8.500 денари.
Оправдано ли е волку големото покачување на цената? Претерале, направиле полагањето да чини цело богатство. Овие како да сакаат да возат само богатите, ова се дел од реакциите на младите испишани на социјалните мрежи.
Според новите цени, обуката за возач од Б категорија е зголемена на 33.000 денари. А потребни се и други трошоци околу полагањето. Сопствениците на авто-школите објаснуваат дека им се зголемиле трошоците и дека по долго време на одложување сега морале да ја покачат цената.
Треба ли да се субвенционира дел од обуката, а треба ли и да се провери оправданоста на покачувањето на цените, се прашања за надлежните државни и локални власти.
Инаку, за потсетување, МВР често пишува казни за возачи кои не полагале возачки испити.
МОЖЕБИ ЌЕ ВЕ ИНТЕРЕСИРА:
