Денешната прес-конференција на Венко Филипче е срамен обид да ги затскрие своите криминали и коруптивни методи кои ги правеше додека беше министер за здравство. Од набавки за вакцини преку фирма за манго и банани сакаше да го полни својот џеб, наместо да го олесни животот на оние кои се бореа против ковид болеста со набавка на вакцини, велат од ВМРО-ДПМНЕ.
-Наместо да го продолжи и олесни животот на болните од ковид, тој потпишуваше анекси на договори за модуларната болница во која изгореа живи 14 наши сограѓани. Поради неговите лоши здравствени политики починаа близу 10.000 луѓе во ковид пандемијата. Филипче е човек со дамки и лузни, кои ќе ги носи целиот живот. И сите знаат за ова, само неговото и на Заев обвинителството, предметите ги чуваат во фиока, велат од ВМРО-ДПМНЕ.
Од владејачката партија посочуваат дека затоа Венко Филипче треба да одговара, затоа, правда мора да има.
