Во кругот на Општата болница „Ферид Мурад“ во Гостивар синоќа е поставена цистерна со вода, која ќе се користи за задоволување на хигиенско-техничките потреби на пациентите и вработените.
Од болничката управа информираат дека цистерната ќе биде достапна во наредниот период со цел да се обезбедат подобри услови за непречено функционирање на здравствената установа.
„Цистерната ќе биде во функција на пациентите и болничкиот персонал за хигиенско-техничките потреби, со цел да се обезбедат што подобри услови за непречено функционирање на болницата“, соопштија од управата на болницата.
Цистерната е обезбедена преку комуналното претпријатие „Тетово“ и ќе остане на располагање на болницата во периодот додека трае проблемот со водоснабдувањето во Гостивар.
Директорот на Општата болница „Ферид Мурад“, Емри Бајрами, претходно информираше дека на сите болнички одделенија е обезбедена флаширана вода за пиење за пациентите и медицинскиот персонал.
МОЖЕБИ ЌЕ ВЕ ИНТЕРЕСИРА:
