Напаѓачот на Јувентус, Душан Влаховиќ, го очекува подолга пауза поради повредата што ја доби на натпреварот против Каљари викендов.
Влаховиќ се повреди во 13. коло од Серија А, на дуелот меѓу Јувентус и Каљари (2:1), по што беше заменет во 31-та минута. Клубот со официјално соопштение потврди дека повредата е сериозна, но не откри колку долго ќе отсуствува српскиот репрезентативец.
Според „Газета дело Спорт“, повредата е потешка од очекуваното и Влаховиќ најверојатно нема да може да тренира ниту да настапува најмалку три месеци.
Весникот проценува дека овој период на пауза ќе значи пропуштање од 14 до 18 натпревари во сите натпреварувања во кои игра Јувентус – Серија А, Купот на Италија и Лигата на шампиони.
Отсуството на Влаховиќ е голем удар и за клубот и за самиот играч. Тој сезонава има одиграно 17 натпревари во сите конкуренции и постигнато шест гола.
МОЖЕБИ ЌЕ ВЕ ИНТЕРЕСИРА:
