Во Македонија нема да се градат бегалски кампови, уверуваат од ВМРО-ДПМНЕ. Пратеникот Антонијо Милошоски на денешната прес-конференција изјави дека таквата информација ја демантирал и амбасадорот на Обединетото Кралство во земјава.
Милошоски објасни дека Велика Британија, по излегувањето од Европската Унија, склучува договори со земјите од Западен Балкан и со ЕУ за зајакнување на механизмите за борба против организирана и нелегална миграција. Според него, договорот со Македонија е дополнителна алатка која го надополнува дејствувањето на Фронтекс.
Како што посочи, најсилниот демант на тврдењата дека ќе се градат бегалски кампови е официјалната изјава на британскиот амбасадор. Дипломатот, рече Милошоски, потврдил дека стратешкиот договор меѓу двете држави опфаќа соработка во инфраструктура, образование и одбрана, но не предвидува никаков план за сместување мигранти или изградба на капацитети од таков тип.
Овие реакции следат по изјави на опозициски партии, кои се повикуваа на британски медиум дека Лондон наводно води разговори со Македонија за прифаќање депортирани азиланти. Според тие објави, двете земји наводно влегле во формални разговори уште есеноска.
МОЖЕБИ ЌЕ ВЕ ИНТЕРЕСИРА:
