Совет на јавни обвинители денеска треба да одржи седница на која ќе определи вршител на должноста државен јавен обвинител, по оставката на Љупчо Коцевски.
Коцевски поднесе неотповиклива оставка на 17 декември, а Собрание на Република Северна Македонија истиот ден го констатираше престанокот на неговата функција. Првично закажаната седница на Советот на 19 декември беше одложена поради отсуство на еден од членовите, со образложение дека изборот треба да се направи во полн состав.
Вршителот на должност ќе биде назначен од редот на јавните обвинители во Јавното обвинителство и ќе ја извршува функцијата до изборот на нов државен јавен обвинител, но не подолго од шест месеци.
МОЖЕБИ ЌЕ ВЕ ИНТЕРЕСИРА:
