На петтата седница на Економско-социјалниот совет (ЕСС), одржана денеска, 22 декември, се дискутираше за состојбите на пазарот на труд, животниот стандард и унапредувањето на социјалниот дијалог, соопштија од Министерство за економија и труд.
Министерот за економија и труд, Бесар Дурмиши, пред членовите на ЕСС го презентираше напредокот во подготовката на Оперативниот план за активни програми и мерки за вработување за 2026 година, кој предвидува вкупен буџет од 2,39 милијарди денари. Според најавите, приоритет ќе имаат младите лица, обуките за вештини што се барани на пазарот на труд, како и вклучувањето на ранливите категории, особено лицата со ниско или без формално образование.
Во однос на минималната плата, министерот истакна дека ставот на Министерството е јасен и темелен на официјални економски показатели. Како што посочи, инфлацијата покажува знаци на стабилизација, а законски утврденото усогласување во март останува единствениот одржлив и предвидлив механизам за зголемување на минималната плата.
МОЖЕБИ ЌЕ ВЕ ИНТЕРЕСИРА:
