Градоначалникот на Прилеп Дејан Проданоски донесе одлука за кадровски промени во две јавни институции, со цел подобрување на нивното работење и поефикасно управување.
За директор на Јавното претпријатие за просторни и урбанистички планови – Прилеп е именуван Игор Неделкоски, дипломиран сообраќаен инженер со десетгодишно работно искуство во приватниот сектор. Во состав на претпријатието се јавниот градски превоз и паркинг-системот.
За директорка на ЈОУ Детски градинки „Наша иднина“ – Прилеп е именувана Билјана Петкоска, дипломиран професор по предучилишно образование и воспитувач во установата со повеќе од 20 години работно искуство.
Градоначалникот на Општина Прилеп, Дејан Проданоски, им се заблагодари на досегашните раководители за нивниот ангажман, посветеност и придонес во работењето на институциите, посочувајќи дека кадровските промени се направени со цел јакнење на стручноста, стабилно и транспарентно работење, како и зголемување на довербата кај граѓаните. Проданоски истакна дека со именувањето на новите директори очекува подобро функционирање на институциите и поквалитетни услуги за граѓаните на Прилеп.
МОЖЕБИ ЌЕ ВЕ ИНТЕРЕСИРА:
