По поразот од Атлетико Мадрид во Купот на Шпанија, Барселона доживеа нов удар – овојпат во Ла Лига. Каталонскиот гигант загуби на гостувањето кај Жирона со 2-1 и ја продлабочи резултатската криза.
Барселона во првото полувреме немаше ниту среќа, ниту реализација. Двапати ја погодија конструкцијата на голот, а младиот Ламин Јамал не успеа да реализира удар од белата точка – момент што можеше целосно да го промени текот на натпреварот.
Отпорот на домаќините беше скршен во 59. минута кога Пау Кубарси донесе водство од 1-0 за каталонците. Сепак, радоста траеше кратко – само три минути подоцна Томас Лемар израмни на 1-1. Кога се чинеше дека натпреварот ќе заврши без победник, во 87. минута Белтран постигна гол за целосен пресврт и голема победа на Жирона.
По 24 одиграни кола во Ла Лига, Реал Мадрид е лидер со 60 бодови, додека Барселона останува втора со 58, со сериозно нарушена форма во клучниот дел од сезоната.
МОЖЕБИ ЌЕ ВЕ ИНТЕРЕСИРА:
