Свеченото поставување на камен-темелникот на новиот кампус на Универзитетот „Мајка Тереза“ во Скопје ќе се одржи денеска на локацијата на универзитетот, во просторот на поранешната касарна „Илинден“. На настанот најавено е присуство на претседателот на Владата, Христијан Мицкоски, кој ќе се обрати пред присутните.
Според информациите од Универзитетот, на свеченоста ќе присуствуваат и министерката за образование и наука Весна Јаневска, ректорот на Универзитетот Беким Фетаји, првиот вицепремиер Беким Сали, градоначалникот на Чаир Изет Меџити, заменик-министерката за транспорт Калтрина Зеколи-Шаќири, како и претставници од академската заедница, државни институции и дипломатскиот кор.
Од Универзитетот „Мајка Тереза“ посочуваат дека станува збор за значаен проект кој означува нова етапа во развојот на образовната инфраструктура и научната дејност во земјата.
„Изградбата на новиот кампус ќе биде мост помеѓу квалитетното образование и потребите на пазарот на трудот, обезбедувајќи современи услови за новите генерации студенти и истражувачи. Проектот е доказ за нашата посветеност во создавање средина во која иновациите и професионализмот се во прв план“, наведуваат од Универзитетот.
МОЖЕБИ ЌЕ ВЕ ИНТЕРЕСИРА:
