Претседателот на СДСМ, Венко Филипче, денеска одржа прес-конференција по повод последиците од зголемувањето на цените на горивата. Тој истакна дека во изминатите денови Владата не презела конкретни мерки за справување со кризата предизвикана од случувањата на Блискиот Исток, и дека системот не е подготвен да одговори на ценовни шокови.
Филипче потенцира дека поради непреземање мерки, од утре се очекува зголемување на цените на бензините за 5 денари по литар, а дизелот ќе поскапи за 20%, односно од 71 на 85,5 денари. Според него, ова не е изненадување, туку резултат на долгорочниот раст на цените на нафтата на светските берзи, кои во последниот месец пораснале за 60%.
Претседателот на опозицијата истакна дека Владата не организирала вонредни седници за да ги подготви системите и да се донесат мерки кои ќе ја ублажат последицата од поскапувањата за граѓаните. Според него, мерките што се преземени се ограничени на ревизија на трошоците на живот и не одговараат на реалните потреби на населението, а дополнително нема поддршка за земјоделството.
Во врска со тоа, Филипче предложи конкретни мерки за ублажување на последиците од поскапувањата: намалување на ДДВ на сите енергетски продукти, вклучувајќи дизел, бензин, гасно масло, течен нафтен гас и метан, од 18% на 5%, како и намалување на акцизата за 4 денари по литар. Дополнително, тој предлага ДДВ на основните прехранбени производи да се намали на нула проценти, со цел да се амортизира евентуален скок на цените на храната.
МОЖЕБИ ЌЕ ВЕ ИНТЕРЕСИРА:
