Либерално демократската партија (ЛДП) повикува на итна и ефикасна реакција од надлежните институции по последната одлука на Регулаторната комисија за енергетика за поскапување на нафтата и нафтените деривати, со цел да се олесни товарот врз граѓаните.
Одлуката на РКЕ не е изненадување, имајќи предвид случувањата на Блискиот Исток и воената интервенција во Иран, која влијае и врз соседните земји. Сепак, ЛДП го критикува начинот на кој Владата реагира, оценувајќи дека делува неспремно и неподготвено, иако пред десетина дена тврдеше дека нема опасност за земјата.
Со оглед на тоа што барелот на сирова нафта на светските берзи веќе надминува 100 долари, ЛДП апелира до Владата, Министерството за енергетика и останатите надлежни институции да преземат конкретни мерки за поддршка на граѓаните. Партијата бара привремено намалување на акцизата за увоз на горива и воведување на дополнителни субвенции и мерки, со цел навремено ублажување на ценовниот шок, особено во услови на висока инфлација и постојано растечки цени.
