Градоначалникот на Општина Прилеп, Дејан Проданоски, најави реализација на корективни зафати на улицата „Александар Македонски“ по барање на жителите, институциите и деловните субјекти од овој дел на градот.
Иако улицата беше изградена минатата година, поставените ивичњаци го отежнувале паркирањето и создавале пречки во секојдневното функционирање. За да се обезбеди подобра пристапност и поголема безбедност, биле извршени замена на ивичњаците и нивелирање на шахтите.
Проданоски посочи дека овие активности се преземени за да одговорат на реалните потреби на граѓаните и институциите, со цел да се обезбеди пофункционално и долгорочно решение.
Во следната фаза на проектот се предвидува уредување на тротоарите, што ќе ја подобри безбедноста и условите за движење на пешаците.
Градоначалникот им се заблагодари на граѓаните за трпението и истакна дека приоритет останува континуираното подобрување на условите за живот и работа во Прилеп.
МОЖЕБИ ЌЕ ВЕ ИНТЕРЕСИРА:
