Поради најавен протест во Скопје, денеска ќе биде воведен посебен режим на сообраќај во централното градско подрачје, информираат од Министерството за внатрешни работи.
Протестот е организиран од Сојузот на синдикатите на Македонија и е најавено да започне во 12:05 часот. Маршот ќе тргне од пред зградата на ССМ на улицата „Мирче Ацев“, а потоа ќе продолжи по улиците „Филип Втори Македонски“, „11 Октомври“, „Димитрие Чуповски“ и „Васил Главинов“, како и по булеварите „ВМРО“ и „Илинден“, каде што ќе заврши пред Владата.
Од МВР информираат дека Единицата за безбедност на патниот сообраќај ќе преземе мерки за регулирање и пренасочување на сообраќајот по улиците каде што ќе се движат учесниците во протестот.
Поради тоа, можно е привремено затворање на дел од сообраќајниците и создавање на метеж во центарот на градот. Надлежните апелираат до граѓаните и возачите да ги почитуваат насоките и наредбите на полициските службеници за да се обезбеди непречено одвивање на сообраќајот.
МОЖЕБИ ЌЕ ВЕ ИНТЕРЕСИРА:
