Два хеликоптери на Армијата се вклучени во гаснењето на пожарот што избувна на планината Јабланица, во близина на струшките села Радолишта и Фјеришта. Пожарот гори веќе неколку дена, а поради непристапниот и тежок планински терен беше побарана помош за интервенција од воздух.
Од Центарот за управување со кризи информираат дека пожарот првично се гасел со копнени сили, во кои биле вклучени пожарникари и екипи од „Македонски шуми“, но поради сложеноста на теренот било неопходно да се ангажираат и армиски хеликоптери.
Надлежните посочуваат дека во моментов нема опасност огнот да ги зафати околните населени места, но екипите остануваат на терен сè додека ситуацијата целосно не се стави под контрола.
Во исто време, во регионот на Струга е регистриран и друг активен пожар во селото Боговица, каде што службите интервенираат со копнени сили.
Од локалните власти апелираат до граѓаните да бидат внимателни и да не палат оган на отворен простор, бидејќи таквите постапки претставуваат сериозен ризик за природата, имотот и безбедноста на луѓето.
МОЖЕБИ ЌЕ ВЕ ИНТЕРЕСИРА:
