Собранието треба да избере нов член на Судскиот совет, а постапката е во тек преку Комисијата за прашања на изборите и именувањата.
Во рамки на процесот, се одржува јавна расправа на која се претставуваат кандидатите што ги исполнуваат условите од објавениот оглас. На конкурсот се пријавиле вкупно десет кандидати, но по направената селекција утврдено е дека шестмина ги исполнуваат потребните критериуми.
Меѓу кандидатите се правници со различно професионално искуство – од адвокатура и судство, до академската сфера и работа во институции. Тие на расправата ги презентираат своите програми и визии за работата во Судскиот совет.
По завршувањето на постапката, Комисијата треба да утврди предлог-листа, по што конечната одлука за избор на член ќе ја донесе Собранието.
Изборот на член на Судскиот совет е значаен процес, со оглед на улогата на ова тело во обезбедувањето независност и функционирање на судската власт во државата.
МОЖЕБИ ЌЕ ВЕ ИНТЕРЕСИРА:
