Стојоски го освои 24 место на Светското првенство во сала во Торун

Македонскиот атлетичар Јован Стојоски настапи на Светското првенство во сала, кое се одржува од 20 до 22 март во Торун, Полска.

Стојоски се натпреваруваше во шестата квалификациска група во дисциплината на 400 метри, каде го освои петтото место со време од 47,83 секунди, што претставува негов најдобар резултат за оваа сезона.

Во вкупниот пласман, македонскиот атлетичар го зазеде 24. место од 25 учесници во оваа дисциплина.