Кошаркарите на Сан Антонио Спарс се пласираа во финалето на Западната конференција, откако со убедлива победа над Минесота ја добија серијата со 4-2.
Тимот од Тексас славеше во шестиот натпревар со високи 139:109, а победникот практично беше решен уште во третата четвртина кога Спарс стигнаа до огромна предност од 36 поени.
Сан Антонио одигра еден од своите најдобри натпревари сезонава, а блескаше Стефон Касл со 32 поени и 11 скока. Одлична поддршка имаше од Дирон Фокс, кој постигна 21 поен и запиша девет асистенции, додека Дилан Харпер додаде 15 поени од клупата.
Францускиот центар Виктор Вембањама повторно имаше импресивен настап со 19 поени, 17 скока, пет асистенции и три блокади.
На Истокот, Детроит Пистонс успеа да избори седми натпревар против Кливленд, откако славеше на гостински терен со 115:94 и ја израмни серијата на 3:3.
Пистонс уште еднаш покажаа карактер кога беа пред елинација и сега на домашен терен ќе имаат можност да обезбедат место во финалето на Источната конференција.
Кејд Канингем го предводеше Детроит со 21 поен, додека Рид постигна 17. Џенкинс и Дурен натпреварот го завршија со по 15 поени.
Кај Кливленд, најефикасен беше Џејмс Харден со 23 поени, а Донован Мичел и Еван Мобли додадоа по 18 поени.
МОЖЕБИ ЌЕ ВЕ ИНТЕРЕСИРА:
