Чаби Алонсо е многу блиску до преземање на тренерската клупа на Челси, откако според англиските медиуми двете страни веќе постигнале договор и остануваат само финалните детали пред официјалната потврда.
Се очекува соработката да биде формализирана веднаш по финалето на ФА Купот, во кое Челси денеска ќе се соочи со Манчестер Сити.
Шпанскиот стратег наводно веќе патува кон Лондон, каде во наредните денови треба да ги заврши последните формалности околу преземањето на клубот од „Стемфорд Бриџ“. Во Челси веруваат дека токму Алонсо е вистинскиот избор за стабилизација на тимот по турбулентна сезона, во која беа сменети дури тројца тренери и не беше обезбеден пласман во Лигата на шампионите.
Алонсо привлече големо внимание со својата работа во Баер Леверкузен, каде испиша историја освојувајќи ја Бундеслигата без пораз, како и трофејот во германскиот Куп.
По успехот во Германија, тој кратко беше дел и од Реал Мадрид, но неговата авантура на клупата на „кралскиот клуб“ заврши по само неколку месеци.
МОЖЕБИ ЌЕ ВЕ ИНТЕРЕСИРА:
