Фудбалерите на Вардар во сабота и официјално ќе го подигнат шампионскиот пехар за сезоната 2025/2026. Крунисувањето на новиот шампион е предвидено по натпреварот од последното коло против Шкендија, кој ќе се одигра на арената „Тодор Проески“.
По завршувањето на средбата ќе следи свечено доделување на трофејот, а потоа и шампионска прослава во Градскиот парк, кај популарната „Школка“.
Во пресрет на славјето, од таборот на Вардар упатија апел до навивачите и симпатизерите прославата да помине во фер, достоинствена и спортска атмосфера.
Повикот од клубот доаѓа по реакциите во јавноста предизвикани од одредени објави на социјалните мрежи за време на прославувањето на шампионската титула. Од Вардар порачуваат дека успехот треба да биде одбележан со почитување на спортските вредности и во духот на фер-плејот.
МОЖЕБИ ЌЕ ВЕ ИНТЕРЕСИРА:
