Владејачката партија Влен вечерва упати благодарност до Арбен Фетаи за неговото досегашно извршување на функцијата вицепремиер за добро владеење во Владата, нагласувајќи дека ја почитуваат неговата одлука да се повлече од позицијата.
Реакцијата на партијата доаѓа откако претходно во текот на денот Фетаи официјално соопшти дека поднел оставка од функцијата, која ја доставил до премиерот Христијан Мицкоски.
Од Влен во својата реакција истакнуваат дека Фетаи за време на неговиот мандат покажал сериозност, професионалност и посветеност кон принципите на добро владеење, отчетност и институционална одговорност.
„По повод оставката на Арбен Фетаи од функцијата вицепремиер за добро владеење, изразуваме благодарност за неговиот досегашен ангажман, коректност и придонес. Во извршувањето на оваа одговорна функција, Фетаи покажа сериозност, професионалност и посветеност кон принципите на добро владеење, отчетност и институционална одговорност. Ја почитуваме неговата одлука и му се заблагодаруваме за соработката и придонесот што го даде во овој период. Му посакуваме добро здравје, успех и сѐ најдобро во иднина“, велат од партијата.
Со ова, Влен ја потврдува својата почит кон одлуката на Фетаи и му упатува желби за понатамошен успех во неговата иднина.
МОЖЕБИ ЌЕ ВЕ ИНТЕРЕСИРА:
